॥ संध्या वंदना ॥ ॥ आचमन ॥ ॐ केशवाय नमः। (एक आचमन) ॐ नारायणाय नमः। (दुसरे आचमन) ॐ माधवाय नमः। (तिसरे आचमन) ॥ प्राणायाम ॥ ॐ भूः। ॐ भुवः। ॐ स्वः। ॐ महः। ॐ जनः। ॐ तपः। ॐ सत्यम्। ॐ तत्सवितुर्वरेण्यं भर्गो देवस्य धीमहि। धियो यो नः प्रचोदयात्। ॐ आपो ज्योतीरसोऽमृतं ब्रह्म भूर्भुवःस्वरोम्॥ ॥ संकल्प ॥ ममोपात्त समस्त दुरितक्षयद्वारा श्रीपरमेश्वरप्रीत्यर्थं प्रातः/सायं संध्यामुपासिष्ये। ॥ मार्जन ॥ ॐ आपो हिष्ठा मयो भुवः। ता न ऊर्जे दधातन। महेरणाय चक्षसे। यो वः शिवतमो रसः। तस्य भाजयतेह नः। उशतीरिव मातरः। तस्मा अरंगमाम वो। यस्य क्षयाय जिन्वथ। आपो जनयथा च नः॥ ॥ प्रातः मंत्र ॥ सूर्यश्च मा मन्युश्च मन्युपतयश्च मन्युकृतेभ्यः। पापेभ्यो रक्षन्ताम्। यद्रात्र्या पापमकार्षम्। मनसा वाचा हस्ताभ्याम्। पद्भ्यामुदरेण शिश्ना। रात्रिस्तदवलुम्पतु। यत्किं च दुरितं मयि। इदमहं मामृतयोनौ। सूर्ये ज्योतिषि जुहोमि स्वाहा॥ ॥ सायं मंत्र ॥ अग्निश्च मा मन्युश्च मन्युपतयश्च मन्युकृतेभ्यः। पापेभ्यो रक्षन्ताम्। यदह्ना पापमकार्षम्। मनसा वाचा हस्ताभ्याम्। पद्भ्यामुदरेण शिश्ना। अहस्तदवलुम्पतु। यत्किं च दुरितं मयि। इदमहं मामृतयोनौ। सत्ये ज्योतिषि जुहोमि स्वाहा॥ ॥ अर्घ्यदान मंत्र ॥ ॐ भूर्भुवः स्वः तत्सवितुर्वरेण्यं भर्गो देवस्य धीमहि धियो यो नः प्रचोदयात्॥ (गायत्री मंत्राने तीन वेळा अर्घ्य द्यावे) ॥ गायत्री ध्यान ॥ मुक्ताविद्रुमहेमनीलधवलच्छायैर्मुखैस्त्रीक्षणैः युक्तामिन्दुनिबद्धरत्नमुकुटां तत्त्वार्थवर्णात्मिकाम्। गायत्रीं वरदाभयाङ्कुशकशाशूलं कपालं गदां शंखं चक्रमथारविन्दयुगलं हस्तैर्वहन्तीं भजे॥ ॥ उपस्थान ॥ ॐ मित्रस्य चर्षणीधृतो श्रवो देवस्य सानसिम्। सत्यं चित्रश्रवस्तमम्। मित्रो जनान् यातयति प्रजानन् मित्रो दाधार पृथिवीमुतद्याम्। मित्रः कृष्टीरनिमिषाऽभिचष्टे सत्याय हव्यं घृतवद्विधेम॥ ॥ समर्पण ॥ कायेन वाचा मनसेन्द्रियैर्वा बुद्ध्यात्मना वा प्रकृतेः स्वभावात्। करोमि यद्यत्सकलं परस्मै नारायणायेति समर्पयामि॥ ॐ तत्सत्। ब्रह्मार्पणमस्तु।